Ички ишлар ходимлари “қўшмачилик”ка шароит яратди

 

Шунингдек, Ички ишлар идоралари томонидан тезкор тадбир ўтказилиши ҳақида гуруҳ аъзоларига олдиндан хабар бериб фаолиятни бироз муддатга тўхтатиб туришини айтиб, огоҳлантириш бериб турган.

 

Ҳожатбарорлар Тошкент шаҳар ИИББ Терроризм ва экстремизмга қарши курашиш бошқармасининг ўта муҳим ишлар бўйича 38 ёшли тезкор вакили, Миробод туман ИИО ФМБ 2-сонли Ички ишлар бўлими ҳуқуқбузарликлар профилактикаси бўлимининг 37 ва 29 ёшли профилактика инспекторлари бўлган.

 

Уюшган гуруҳ раҳбари вақтинча ишсиз, олий маълумотли аёл. У бошқариб келган фоҳишахона 2014 йилдан 2020 йилнинг 22 сентябръ кунига қадар Тошкент шаҳрининг турли ҳудудларида фаолият кўрсатган.

 

Қўшмачи шериклари билан хонадонларни ижарага олиб, фуқароларнинг жинсий алоқа қилишлари учун шароит яратиб берган.

 

Уюшган гуруҳ аъзолари мунтазам равишда фоҳишалик билан шуғулланувчи аёллар ҳақидаги маълумотлар ҳамда интим хизмат кўрсатиш эьлонларини интернет ижтимоий тармоғига жойлаб, бу учун фоҳиша аёлларнинг ўзидан ҳар ойда 50-100 АҚШ доллардан пул олишган.

 

Давлат органи ходими ўз мансабидан фойдаланиб, уюшган гуруҳга ғаразли ниятларини амалга ошириш учун кўмак бериб келган.

 

Масалан, Тошкент шаҳар ИИБ ходими ҳамкасблари томонидан ўтказилиши режалаштирилган тезкор тадбирлар ҳақида гуруҳ раҳбарига смс ва телефон қўнғироқлари орқали огоҳлантириш хабарларини жўнатиб, айбдор шахсларга нисбатан қонуний чоралар кўришга тўсқинлик қилган.

 

Профилактика инспекторлари эса жиноятни фош этиш ўрнига фоҳишабозлик билан шуғулланувчи гуруҳга ўз ҳудудидан ижарага хонадонларни топиш ҳамда уларнинг фаолиятлари учун ёрдам бериб келган.

 

Жиноят ишлари бўйича Тошкент туман суди судьяси Фарҳод Ҳайитов раислигида олдиндан тил бириктириб, қўшмачилик билан шуғулланиш учун фоҳишахоналар ташкил этиш ҳамда одам савдоси жиноятини содир этганликда айбланувчи 8 нафар судланувчиларга нисбатан суд бўлди.

 

Ҳукмга кўра, гуруҳ раҳбари узил-кесил 7 йил 6 ой муддатга, Тошкент шаҳар ИИБ тезкор вакили 3 йил муддатга ҳуқуқни муҳофаза қилиш идораларида ишлаш ҳуқуқидан маҳрум қилиниб, 8 йил 6 ой муддатга, Профилактика инспекторларининг ҳар иккиси 6 йил озодликдан маҳрум этилди. Гуруҳнинг қолган аъзолари ҳам озодликдан маҳрум қилиш жазосига хукм қилинди.