Тескари тарғибот юритмаслик керак: пенсионер учун ҳеч нарса ўзгармайди
Пенсия тўлаш билан боғлиқ кечаги қарор турлича талқинларга, айрим манбаларда эса ҳатто тескари тарғиботга сабаб бўлмоқда.
"Бердисини айтмай", "худосини айтиб", одамларни чалғитиш хайрли эмас.
Аввало айтиш керакки, 1 майдан бошлаб, банк карталари орқали олувчиларга ҳар ойлик пенсия ва нафақа пулининг 1 фоизи миқдорида қўшимча тўлов тўлаб берилади. Яъни пенсионерлар картасига 1% ортиқча пул келиб тушади.
АТ “Халқ банки”нинг сайёр кассалари фуқароларга нақд пулда етказиб бериш хизматлари учун 1 фоиз миқдорда ҳақ олади.
Бошқача айтганда, пенсиясини нақд пулда оладиганлар учун ҳеч нарса ўзгармайди, нақд пул керак бўлмаган пенсионерлар учун пенсия суммаси 1%га кўпаяди.
Бу нима учун қилинаяпти? Биринчи навбатда қоғоз шаклларда ҳисоб юритишнинг эскирган шаклларидан воз кечиш учун. Бюрократик занжирларни камайтириш учун. Пенсия тарқатишда маъмурчиликни яхшилаш учун.
