Фарғонада қимор бош ҳисобчининг "бошини еди"
У 2019-2021 йиллар давомида ўзига асоссиз равишда иш ҳақи ва устама ёзиб олган.
Фарғона вилояти Олимпия захиралари коллежи бош ҳисобчиси 4,3 миллиард сўм маблағларни онлайн қиморга тикиб юборди.
У эгаллаб турган лавозимдан ғараз мақсадларда фойдаланиб, 2019-2021 йиллар давомида ўзига асоссиз равишда жами 4 миллиаард сўм иш ҳақи ва устама ёзиб олган.
Шунингдек, коллеж ўқитувилари номига банк пластик карталари очиб, уларга 310 миллион сўм бюджет маблағларини ўқитувчиларга билдирмасдан ўтказиб олган.
Ҳолат юзасидан бош ҳисобчи ва бошқаларга нисбатан Жиноят кодексининг 167 (Ўзлаштириш ёки растрата йўли билан талон-торож қилиш) ва 209 (Мансаб сохтакорлиги) моддалари билан жиноят иши қўзғатилган.
Гумонланувчига нисбатан "қамоққа олиш" эҳтиёт чораси қўлланилган.
Тергов давом этмоқда.
