Байден Жануби-шарқий Осиё давлатлари етакчилари билан учрашади
Музокаралар Вашингтонда ўтказилади.
12-13 май кунлари Вашингтонда АҚШ ва Жануби-шарқий Осиё давлатлари ассоциацияси давлатлари (ACEAN) саммити бўлиб ўтади. Бу ҳақда Оқ уй матбуот котиби Жен Псаки маълум қилди.
Унинг сўзларига кўра, ушбу учрашувда Жозеф Байден ҳам иштирок этади.
“Байден ва Харрис администрацияси учун Жануби-шарқий Осиёда ишончли ҳамкор бўлиш устувор вазифа ҳисобланади”, — деган матбуот котиби.
Шу билан бирга, Псаки Вашингтоннинг мақсади Ҳинд-Тинч океани минтақаси эркин, очиқ, хавфсиз, бирлашган ва барқарор бўлишини таъминлаш эканини қўшимча қилган.
АҚШ ва ACEAN саммити 28-29 март кунлари бўлиб ўтиши керак эди. Аммо айрим давлат раҳбарларининг графиги боис у кейинроққа қолдирилди.
Маълумот ўрнида: ACEAN’га 1967 йилда асос солинган. Ҳозирда унга Бруней, Вьетна , Индонезия, Камбоджа, Лаос, Малайзия, Мьянма, Сингапур, Таиланд ва Филиппин аъзо.
Аввалроқ Оқ уй Покистонда ҳокимият алмашганига муносабат билдирганди.
