АҚШ Покистон билан ҳамкорликни қадрлайди. Бу ҳақда Оқ уй матбуот котиби Жен Псаки маълум қилди.
"Биз Покистон билан азалий ҳамкорлигимизни қадрлаймиз. АҚШ манфаатлари учун фаровон ва демократик Покистон стратегик аҳамиятга эга", — деган у.
Маълумот ўрнида: 11 апрель куни Имрон Хон Покистон бош вазирлигидан четлатилиб, унинг ўрнини Шаҳбоз Шариф эгаллади. Хон мамлакатдаги сиёсий инқирозда Ғарб давлатларини айбламоқда. Унинг бош вазирлиги даврида Исломобод АҚШ ва Европадан анча узоқлашиб, Хитой билан алоқаларни кенгайтирди.
Аввалроқ Имрон Хон тарафдорларини намойишларга чиқишга чақирганди.