Суриштирув ва тергов харакатларида босим ўтказган ИИОнинг 7 нафар ходимига чора кўрилган
Ўзбекистонда Омбудсманнинг қийноқларнинг олдини олиш бўйичча фаолияти самарали олиб борилмоқда.
Суриштирув ва тергов ҳаракатларида интизомни бузгани учун ички ишлар органларининг 7 нафар ходимига чора кўрилган. Бу ҳақда АОКАда ўтказилган брифингда Олий Мажлиснинг Инсон ҳуқуқлари бўйича вакили ахборот хизмати раҳбари Фотима Мадраҳимова айтиб ўтди.
Маълумотга кўра, 2021 йил давомида эркинлиги чекланган шахслар сақланадиган жойларда мониторинг ўтказилиб, 4,5 мингдан ортиқ шахс билан жамоавий ва 758 нафар шахс билан якка тартибда суҳбат ўтказилган.
Қайд этилишича, омбудсман номига ёпиқ муассасаларда сақланаётган шахслар, уларнинг яқин қариндошлари ҳамда адвокатлари томонидан 6 104 та мурожаат келиб тушган. Уларнинг 2 119 таси бевосита ёпиқ муассасаларда сақланаётган шахсларнинг мурожаатларидан иборат.
