Фюри — Уайт. Ким фаворит?
Бокс бўйича собиқ жаҳон чемпиони 94 минг мухлис келиши кутилаётган жанг ҳақида гапирди.
Бокс бўйича ярим ўрта вазн тоифасида собиқ жаҳон чемпиони Костя Тсзю WBC йўналиши чемпиони Тайсон Фюри ва Диллиан Уэйт ўртасидаги жанг ҳақида фикр билдирди.
"Фюрини ушбу жангда фаворит деб биламан. Бироқ, Тайсон қандай формада эканлигини билмайман. Агар кутилган тайёргарликка эга бўлмаса, кутилмаган натижа бўлиш эҳтимоли юқори. Иккаласи ҳам жангга тайёр бўлса Фюри барибир маълум бир устунликка эга”, — дея Костя Тсзюнинг сўзларидан “Gazeta.ru” нашри иқтибос келтирди.
Эслатиб ўтамиз, Фюри ва Уайт ўртасидаги жанг 23 апрелдан 24 апрелга ўтар кечаси Лондондаги “Уэмбли” стадионида бўлиб ўтади. Олдинроқ жанг ташкилотчилари тўқнашувга 94 000 томошабин келиши кутилаётгани хабар қилинганди. Агар бу амалга ошса 21-асрда бокс мусобақасига мухлисларнинг ташриф буюриш бўйича рекорд ўрнатилади.
Аввалроқ, Энтони Жошуа Александр Усикнинг имкониятларини баҳолагани ҳақида хабар берилганди.
Жамшидбек Амиров
