Хитойдаги Афғонистон элчихонаси қайта очилди
Унга "Толибон" вакили раҳбарлик қилади.
Афғонистоннинг Пекиндаги элчихонаси фаолияти тикланди. Бу ҳақда "Sputnik Афганистан" хабар берди.
Бу ерда "Толибон" томонидан тайинланган элчи Сайид Муҳиддин Саодат иш бошлаган. Аввалги ҳукумат томонидан тайинланган дипломат Жавид Аҳмад Қаюм лавозимини тарк этган. Шу билан бирга Саодат фавқулодда ва мухтор элчи сифатида эмас, ишончли вакил сифатида ишлайди.
Дипломатик ваколатхона қайта очилиши муносабати билан қабул маросими ўтказилган. Унда Хитойда ўқиётган афғон талабалари, маҳаллий олий мартабали амалдорлар ҳамда Хитой бизнес доиралари иштирок этган.
Саодат консуллик хизмати қайтадан кўрсатилишини эълон қилган.
Аввалроқ АҚШ Афғонистонда 7 миллиард доллардан ортиқ қуроллар ташлаб кетгани маълум бўлганди.
