Тошкентда «замҳоким» пора билан қўлга тушди
У тадбиркорга савдо дўкони учун маҳалладан ер ажратиб беришни ваъда қилган.
Давлат хавфсизлик хизматининг Тошкент шаҳар бўйича бошқармаси ходимлари томонидан Иқтисодий жиноятларга қарши курашиш департаментининг ҳудудий бошқармаси билан ҳамкорликда ўтказилган тезкор тадбир натижасида Юнусобод туманидаги маҳалла фуқаролар йиғинларидан бирида ҳоким ёрдамчиси лавозимида ишловчи мансабдор шахс фирибгарлик йўли билан маҳаллий тадбиркордан 35 минг АҚШ доллари олгани аниқланди.
Унга кўра, ҳоким ёрдамчиси ўз хизмат мавқейидан фойдаланган ҳолда тадбиркорга енгил типдаги савдо дўкони ўрнатиши учун маҳалла ҳудудидан 50 м.кв.ер майдони ажратилиши учун тавсия бериб, ер майдони ҳужжатларини танишлари орқали тадбиркор номига расмийлаштириб беришни ваъда қилган.
Ҳозирда ҳолат юзасидан Жиноят кодексининг тегишли моддалари билан жиноят ишлари қўзғатилиб, тергов ҳаракатлари олиб борилмоқда.
