Хоразмда сохта авиачиптачилар ушланди
Улар чипаталарни 34 нафар фуқаро номига расмийлаштирган
Бош прокуратура ҳузуридаги Департаментнинг Хоразм вилояти бошқармаси томонидан фуқаролар мурожаатларига асосан терговга қадар текширув ўтказилди. Унга кўра, Урганч шаҳридаги “P.B.А.” хусусий корхонаси раҳбари М.Ш. ва унинг норасмий ишчиси Х.Х.лар 34 нафар фуқаронинг номига сохта электрон авиачипталарни расмийлаштириб, ҳар бирини 3-3,5 млн сўмдан жами 106,2 млн сўм ва 200 АҚШ долларига сотиб, пул маблағларини фирибгарлик йўли билан қўлга киритганликлари фош бўлди.
Мазкур ҳолат юзасидан Жиноят кодексининг 168-моддаси (фирибгарлик) ва 228-моддаси (ҳужжатлар, штамплар, муҳрлар, бланкалар тайёрлаш, уларни қалбакилаштириш, сотиш ёки улардан фойдаланиш) билан жиноят иши қўзғатилиб, тергов ҳаракатлари ўтказилмоқда.
