0
Амир Хон Мутаққий Ҳиндистонни Кобулдаги элчихонасини очишга чақирди
Шунингдек, Афғонистонда аёллар билан боғлиқ вазиятга изоҳ берилган.
Афғонистон ташқи ишлар в.б. Амир Хон Мутаққий Ҳиндистонни Кобулдаги элчихонасини қайта очишга чақирди. Бу ҳақда у Ҳиндистон ОАВларига берган интервьюсида айтган.
Мутаққий толиблар дипломатик миссия хавфсизлигини таъминлашига ваъда берган. Шу билан бирга у Нью-Делининг Афғонистондаги лойиҳаларини қайта тиклашига умид билдирган.
Шу билан бирга вазир Афғонистондаги хотин-қизлар билан боғлиқ вазиятга изоҳ берар экан, “Толибон” ҳокимияти ўрнатилган сўнгги тўққиз ойда бирор аёл қамоққа олинмаганини маълум қилган.
Аввалроқ Қандаҳорда аёлларга жамоат транспортида якка ҳолда ҳаракатланиш тақиқлаб қўйилганди.
