Қашқадарёда мактаб ўқувчилари сўнгги қўнғироқдан кейин сeмкаларини тепиб "ўйин" кўрсатди
Вилоят халқ таълими бошқармаси ҳолатга муносабат билдирди.
Ижтимоий тармоқларда ўқувчилар мактаб тугагани учун сумкаларини тепиб, мактабдан чиқиб кетаётгани акс этган видео тарқалди.
Вилоят ХТБ баёнотига кўра, ҳолат 2022 йил 25 май куни Китоб туман Қайнар маҳалла фуқаролар йиғинида жойлашган туман халқ таълими бўлими тасарруфидаги 28-умумий ўрта таълим мактабида сўнги қўнғироқ якунланганидан кейин содир бўлган.Мактабнинг 6 нафар ўқувчилари таълим муассасасининг ички одоб-ахлоқ нормаларига амал қилмасдан ўзларига тегишли бўлган сeмкаларини тепиб, ўзларини видео тасвирга олган. Сўнгра ижтимоий тармоққа жойлаштирган.
Жумладан, 2004 йилда туғилган мактаб ўқувчилари О.С, М.А, А.Б, Э.Қ ва 2003 йилда туғилган М.А, Н.Ж.ларнинг ҳатти-ҳаракатлари юзасидан уларнинг ота-оналарига нисбатан Маъмурий жавобгарлик тўғрисидаги кодексининг 47-моддаси 1-қисми билан маъмурий баённома расмийлаштирилиб, ҳар бирига базавий ҳисоблаш миқдорининг 1 баробари, яъни 270 минг сўмдан жарима чораси қўлланилган.
