Самарқандда тез ёрдам машинаси йўл-транспорт ҳодисасига учради
Ҳолат юзасидан вилоят ИИБ маълумот берди.
Бугун, 17 июнь куни Самарқанд шаҳрида иккита автомашина иштирокида йўл-транспорт ҳодисаси содир бўлди. Бу ҳақда вилоят ИИБ ахборот хизмати хабар берди.
Маълум қилинишича, Самарқанд шаҳри Буюк ипак йўли ҳамда Нарпай кўчалари чоррахасида “Ваз-2106” ҳамда “Toyota” русумли тез ёрдам машиналар ўртасида йўл-транспорт ҳодисаси юз берган. Тўқнашув вақтида тез ёрдам машинаси ичида беморлар бўлмаган.
Ҳодиса оқибатида ҳеч ким тан жароҳати олмаган. Машиналарга техник шикаст етган. Мазкур ҳолат юзасидан Самарқанд шаҳар ИИО ФМБ ЙҲХБ томонидан суриштирув ҳаракатлари олиб борилмоқда.
Эслатиб ўтамиз, бундан олдин Самарқанд шаҳрининг Фирдавсий кўчасида Нексия ҳайдовчиси пиёдани уриб юборганди. Оқибатда пиёда тан жароҳати олиб, шифохонага ётқизилган.
