Абдулазиз Комилов Кобулга борди
Ташриф давомида Толибон ТИВ раҳбарияти билан учрашув ўтказилган.
Ўзбекистон Президентининг ташқи сиёсат масалалари бўйича махсус вакили Абдулазиз Комилов Толибон ТИВ раҳбари вазифасини бажарувчи Амирхон Муттаки билан учрашув ўтказди. Бу ҳақда Толибон ТИВ матбуот хизмати хабар берди.
Қайд этилишича, музокарада савдо ва транзит соҳасидаги икки томонлама муносабатларни мустаҳкамлаш ва ривожлантириш масалалари кўтарилиб, хавфсизлик билан боғлиқ вазият муҳокама қилинган.
Шунингдек, Муттаки Афғонистон бўйича июль ойи охирида Тошкентда бўлиб ўтадиган халқаро конференцияда иштирок этиш учун таклиф қилинган. Толибон Ўзбекистонга Савдо вазирлиги вакиллари бошчилигидаги делегацияни юбориш истагини билдирган.
