0
Хоразмда хорижий валютани ноқонуний муомалага киритган шахс ушланди
Ҳолат юзасидан тергов ҳаракатлари ўтказилмоқда.
Хоразм вилояти Гурлан тумани ҳудудида валюта пулларини муомалага киритиш билан шуғулланиб келаётган фуқаро Р.М. бошқа бир фуқаро Н.га 20 000 АҚШ долларини жами 221 млн сўмга сотган вақтида қўлга олинди. Бу Бош прокуратура ҳузуридаги Департаментнинг вилоят бошқармаси томонидан ўтказилган тезкор тадбирда аниқланди.
Тадбир якунида жами 25 200 АҚШ доллари, 122 000 Қозоқ тенгеси, 123 300 Россия рубли ва 259 млн сўм ашёвий далил сифатида олинган.
Мазкур ҳолат юзасидан Жиноят кодексининг 177-моддаси (валюта қимматликларини қонунга хилоф равишда олиш ёки ўтказиш) билан жиноят иши қўзғатилиб, тергов ҳаракатлари ўтказилмоқда.
