Россия Украина билан музокара ўтказишга тайёр эмас — Давлат департаменти
Аввалроқ Путин Киевни эришилган келишувларни бажармасликда айблаганди.
Россиянинг Украина билан музокара ўтказишга тайёрлиги тўғрисида белгилар йўқ. Бу ҳақда АҚШ давлат департаменти матбуот котиби Нед Прайс маълум қилди.
“Ҳозирча биз уларнинг реал дипломатияга ўтиш бўйича ҳеч қандай ҳаракатларини кўрмадик”, – деган у.
Дипломатнинг қўшимча қилишича, Москва ўз ёндашувини ўзгартирмас экан, АҚШ ва унинг иттифоқчилари Киевга ҳарбий ёрдам беришда давом этади.
Россия ва Украина 28 февралдан буён музокара ўтказиб келади. Унинг дастлабки раундлари Беларусда бўлиб ўтган. Март охирида томонлар Истанбулда учрашганди.
Аввалроқ Владимир Путин Украинанинг музокара ўтказиш ва келишувларга амал қилиш истаги йўқлигини айтганди.
