0
Зироат Мирзиёева номидан мукофот пуллари тарқатилаётгани ростми?
«Zamin» халқаро жамоат фонди хабарга ойдинлик киритди.
«Zamin» халқаро жамоат фонди ижтимоий тармоқларда Зироат Мирзиёева номидан мукофот пуллари тарқатилаётгани айтилган хабарлар ёлғон эканини тасдиқлади.
Маълум қилинишича, ижтимоий тармоқларда «Zamin» фонди Васийлик кенгаши раиси номидан сохта аккаунтлар очилиб, хайрия ва мукофот пуллари тарқатилиши ҳақида ёлғон ахборотлар тарқатилмоқда.
«Мазкур хабарлар ҳақиқатга мутлақо тўғри келмайди ва юртдошларимизни бу каби фейк маълумотларга ишонмасликка чақирамиз», — дейилади хабарда.
«Zamin» фонди лойиҳалари ҳақида унинг веб-сайтида ҳамда ижтимоий тармоқлардаги расмий саҳифалари орқали хабардор бўлиш мумкин.
