Шавкат Мирзиёев ташриф буюрган музей ҳақида нималарни биласиз?

 

 

Ўзбекистон Республикаси Президенти Шавкат Мирзиёев бугун Мусулмон олами лигаси назоратидаги Пайғамбар ҳаёти ва Ислом цивилизацияси халқаро кўргазмаси ва музейига ҳам ташриф буюрди. Мазкур музей Мусулмонлар Дунёси Лигаси (МWЛ) назоратида остидаги Ислом музейларининг биринчисидир.

 

Мадинадаги Пайғамбарлар жоме масжиди ёнида жойлашган музей 24 соат давомида очиқ бўлиб, Ислом олами тарихи ва Пайғамбар Муҳаммад (с.а.в.) ҳаётига бағишланган. 

 

Кўргазмада ўнлаб расмлар ва интерактив дисплейлар мавжуд. Айни пайтда ташриф буюрувчилар учун етти — араб, инглиз, испан, урду, француз, турк ва индонез тил мавжуд. Шунингдек, бу ерда 4DХ театри ҳам бор. Унда Пайғамбар ҳаёти ҳақида бир қатор фильмлар намойиш этилади.

 

Кўргазмадаги 25 та павилондан бири Исломдаги аёллар тарихига бағишланган бўлиб, ҳақиқат ва эзгулик тўғрисида хабар беради. Павилон, шунингдек, болаларнинг Пайғамбар ҳаётидаги аҳамиятини ҳам ёритиб беради. Улар билан қандай ўйнагани ва уларни қандай қилиб энг яхши тарзда тарбиялаш борасида берган маслаҳатлари ҳақида ҳикоя қилади.

 

Бошқа бир павилонда 3Д, виртуал реаллик ва кенгайтирилган реаллик технологиялари Пайғамбарнинг шахсий нарсаларини, шу жумладан, мебеллари, кийимлари, пойабзаллари ва ҳатто тароқларининг тафсилотларини қайта қуриш ва тавсифлаш учун ишлатилади.

 

Бошқа бир павилон Аллоҳнинг 99 исмига бағишланган бўлиб, унда ҳар бир исм нимани англатишини ва унинг инсоният билан боғлиқлигини тушунтиради. Худди шу павилонда космосга бағишланган экспонатлар, турли хил астрономик объектларнинг Ислом ва инсоният билан алоқадорлигидан сўзлайди. Шунингдек Ернинг географиясига бағишланган кўргазмалар бор.

Бошқа бир павилон бошқа пайғамбарларнинг ҳаётига бағишланган бўлиб, уларнинг хусусиятларини Қуръон ва Суннатда баён қилинганидек, уларнинг ҳаётлари ҳақида қисқача маълумот беради. Бу ерда сиз пайғамбаримиз Муҳаммад алайҳиссаломнинг туғилишидан то ўлимигача бўлган ҳаётидаги энг муҳим воқеаларни кўриб чиқишингиз мумкин. Бу интерактив экранлардан фойдаланган ҳолда, 1 400 йил олдин ҳаёт пайтида Макка ва Мадинага ташриф буюрувчиларни қайтариб беради.

 

Маълумот ўрнида: Музей икки қават бўлиб, 5000 квадрат метрни ташкил этади. Бу ердаги 25 та асосий павилон Муҳаммад алайҳиссалом ва бошқа пайғамбар ҳаётини акс эттиради. Шунингдек, ташриф буюрувчилар Пайғамбаримиз давридан мерос бўлиб қолган 500 та қадимий буюмларни томоша қилиш мумкин.

 

Эслатиб ўтамиз,  Шавкат Мирзиёев Саудия Арабистонига жўнаб кетгани, Мадинаи мунавварага етиб бориб, ташрифини бошлагани, Президент Масжидун Набавийда намоз ўқигани ва Пайғамбар алайҳиссалом қабрини зиёрат қилгани ҳақида хабар берилганди.