Президент фаол тадбиркорларни мукофотлади
Ўзбекистонда "Фаол тадбиркор" кўкрак нишони таъсис этилди.
"Фаол тадбиркор" кўкрак нишони билан Ўзбекистонда тадбиркорликни ривожлантириш, иш ўринларини яратиш, инновасиялар жорий қилиш, солиқларни ўз вақтида тўлаш, маҳсулот ва хизматларни экспорт қилиш, етук мутахассислар тайёрлаш ҳамда бизнесдаги муваффақиятлари ва ижтимоий фаоллиги билан барчага намуна бўлаётган тадбиркорлар тақдирланади.
"Фаол тадбиркор" кўкрак нишони ҳар йили 20 август – Тадбиркорлар куни арафасида тантанали вазиятда топширилади."Фаол тадбиркор" кўкрак нишони билан тақдирланган шахслар ҳақида ҳар йили "Йилнинг илғор тадбиркорлари" китоби чоп этиб борилади.
Шунингдек, Президент фармойиши билан мамлакатда ишбилармонлик муҳитини яхшилаш, тадбиркорликни ривожлантириш, экспорт салоҳиятини ошириш, янги иш ўринларини яратиш, инновасияларни жорий этиш, солиқларни ўз вақтида тўлаш, етук мутахассисларни тайёрлашда алоҳида ибрат кўрсатаётган 100 нафар тадбиркорлар "Фаол тадбиркор" кўкрак нишони билан тақдирланди.
Эслатиб ўтамиз, 22 август куни Шавкат Мирзиёев тадбиркорлар билан очиқ мулоқот ўтказади.
