0
"Ўзбекистонда хизмат кўрсатган тадбиркор" унвони таъсис этилади
Бу ҳақда Шавкат Мирзиёев тадбиркорлар билан учрашувда маълум қилди.
Президент ўз нутқида тадбиркорларга бўлаётган эътиборни янада ошириш мақсадида янги унвон таъсис этишни таклиф қилди.
“Бизда қурувчи, маданият, таълим каби соҳа вакиллари учун фахрий унвонлар мавжуд.
Лекин, Янги Ўзбекистон пойдеворини яратишга энг катта ҳисса қўшиб келаётган заҳматкаш тадбиркорларнинг эътибордан четда қолгани адолатдан эмас.
Шу боис, кўп иш ўринлари яратган, бизнеснинг янги йўналишларини йўлга қўйган, ўз соҳасида инновация ва ислоҳотлар қилган ва эл-юрт орасида обрў топган бизнес вакилларини муносиб эътироф этиш учун “Ўзбекистонда хизмат кўрсатган тадбиркор” фахрий унвонини таъсис этишни таклиф қиламан”, — деди Президент очиқ мулоқотда.
