Қашқадарёда Ер сайёрасига ўхшаш стела қурилади
Бу бўйича аҳолидан таклиф келиб тушган.
Қашқадарё вилоятининг Китоб туманидаги Баландтоғ астраномия обсерваториясида Ер сайёрасига ўхшаш стела қурилади. Бу ҳақда вилоят ҳокимилиги матбуот хизмати хабар қилди.
Қайд этилишича, комплексда юлдузлар физикаси ва эволюциясини, жаҳон миқёсидаги ва минтақавий геодинамик жараёнларни тадқиқ этиш, зилзилалар тўғрисидаги тахминларни олдиндан аниқлаш, фундаментал фанларни ривожлантириш манфаатларини кўзлаб бошқа сайёраларни ўрганиш мумкин.
Обсерваторияга ташриф буюрган вилоят ҳокими ҳудудни туризм манзилгоҳига айлантиришга топшириқ берган.
Шунингдек, илмий ходимлар ва аҳолини таклифи билан туманда Ер сайёраси кўринишидаги стела(устун) қад ростлайди.
