Андижондаги "Жаҳон бозорида" ёнғин бўлди
Ёнғинни бартараф этишга 10 та ёнғин-қутқарув экипаж жалб этилди.
Бугун, 19 октябрь куни соат 03:46да Андижон шаҳар "Ёрбоши" МФЙ, Найман кўчасида жойлашган «Жаҳон савдо комплекси» АЖга қарашли дўконларда ёнғин содир бўлди.
ФВВ хабарига кўра, воқеа жойига 10 та ёнғин-қутқарув экипажлари соат 03:56да етиб боришиб, ёнғин соат 04:00да тўлиқ қуршаб олинган, соат 04:16да ёнғин батамом ўчирилган.
"Ёнғин оқибатида фуқароларни тан жароҳати олиш ва ҳалок бўлиш ҳолатлари қайд этилмади", — дейилади хабарда.
