Директорлар яна "тренд"да: унинг кучи ўқувчи қизга етдими?
Навоийда мактаб директори урган қиз ҳушини йўқотди.
Ижтимоий тармоқлар орқали Навоий шаҳар ХТБга қарашли 11-АФЧЎИМ директори 10-Г синф ўқувчисини ургани, ўқувчи эса ҳушини йўқотгани ҳақида тарқалди. Ушбу ҳолат юзасидан вилоят прокуратураси маълумот берди.
Аниқланишича, фуқаро Х.Ж Навоий шаҳар ИИБга мурожаат қилиб, қизи 2006 йилда туғилган вояга етмаган Ғ.Н.ни Навоий шаҳар 11-сонли давлат ихтисослаштирилган умумтаълим мактаби директори Ж.Г. уриб тан-жароҳати етказганлиги юзасидан мурожаат қилган.
Мазкур ҳолат юзасидан Навоий шаҳар ИИБ томонидан терговга қадар текширув ҳаракатлари олиб борилаётган бўлиб, суд-тиббиёт экспертизаси тайинланган.
Текшириш ҳаракатлари Навоий вилояти прокуратураси томонидан назоратга олинди.
Элатиб ўтамиз, аввалроқ Наманганда ўқувчи синф раҳбари томонидан калтаклангани, Самарқандда эса мактаб директори ўқувчининг қулоқ пардасини тешиб юборгани ҳақида хабарлар тарқалганди.
P.S: суратнинг хабарга алоқаси йўқ.
