0
Тошкентнинг айрим ҳудудларида вақтинча газ ўчди
"Ҳудудгаз пойтахт" бу ҳақда маълум қилди.
Миробод ва Яшнобод туманларининг баъзи жойларида бугун газ таъминоти вақтинчалик тўхтатилди. Бу ҳақда "Ҳудудгаз пойтахт" хабар берди.
Айтилишича мазкур ҳудудларда таъмирлаш ишлари олиб борилади. Унга кўра, Миробод тумани Водил кўчасида жойлашган газ қувурини ҳаракатдаги газ қувурига улаш ишлари режалаштирилган.
Бугун соат 10:00 дан қуйидаги жойларда табиий газ таъминоти вақтинчалик тўхтатилди:
- Миробод тумани Қўшкўприк, Фарғона йўли, Нукус 1-тор, Кичик ҳалқа автомобиль йўли кўчаларидаги 400 та хонадонда;
- Яшнобод тумани Бакиниский, Қашқадарё, Мирғоб, Фарғона йўли, Обод макон, Элбек кўчаларидаги 2206 та хонадонда ҳамда ушбу манзиллардаги 41 та улгуржи ташкилотда.
Таъмирлаш ишлари тугатилгандан сўнг табиий газ таъминоти қайта тикланади, дейилади хабарда.
