Сеулдаги Ҳеллоуин байрамида 1 нафар ўзбекистонлик вафот этди
Умумий қурбонлар сони 150 дан ошган.
Аввалроқ Жанубий Корея пойтахти Сеул шаҳрида Ҳеллоуин байрами вақтида юзага келган тиқилинч сабаб одамлар оммавий равишда бўғила бошлагани ва 50 кишининг юраги тўхтаб қолгани хабар қилинганди.
Сўнгги маълумотларга кўра, фожиа оқибатида ҳалок бўлганлар сони 151 тага етган. Уларнинг аксарияти тахминан 20 ёшда бўлган, қурбонлар орасида чет эл фуқаролари ҳам бор.
“Yonhap” агентлиги 19 нафар хорижлик фуқаро ҳалок бўлгани ҳақида ёзмоқда. Ўзбекистоннинг Жанубий Кореядаги элчихонаси бир нафар Ўзбекистон фуқароси вафот этганини маълум қилди.
