Қашқадарёда депутат ўқувчини калтаклагани айтилди
Ҳолат тунги соат 03:00 ларда содир бўлган.
Ижтимоий тармоқларда тарқалаётган Қашқадарё вилоятининг Қамаши туманида депутат 11-синф ўқувчисини калтаклагани ҳақида хабарлар тарқалди. Ҳолат юзасидан вилоят Халқ таълими бошқармаси расмий муносабат билдирди.
Қайд этилишича, 3 ноябрдан 4 ноябрга ўтар кечаси соат тахминан 03.00 ларда Қамаши тумани “Қамай” маҳалласида яшовчи Н.П. вояга етмаган фуқаро Қ.Э.ни уриб тан жароҳати етказган.
“Ҳолат юзасидан Қашқадарё вилояти халқ таълими бошқармаси ва ҳуқуқни муҳофаза қилувчи орган масъуллари томонидан атрофлича ўрганилмоқда”, — дейилади хабарда.
