Метро бекатларидан бирининг фаолияти вақтинча тўхтатилади
Бу ҳақда метрополитен ахборот хизмати маълум қилди.
“Тошкент метрополитени”нинг “Ерусти ҳалқа йўли”даги 7-бекати («Қўйлиқ») жорий йилнинг 10 ноябрь кунидан йўловчиларга хизмат кўрсатиш вақтинча тўхтатилади. Бу ҳақда метрополитен ахборот хизмати маълум қилди.
Қайд этилишича, Тошкент шаҳри Фарғона йўли кўчасидан «Қўйлиқ» деҳқон бозори томон қурилаётган йўл ўтказгичининг метрополитен “Ерусти ҳалқа йўли” 6 ва 7-бекатлари оралиғидаги ер устки қисмида қурилиш конструкцияларининг бетон ишлари амалга оширилади.
Шу сабабдан 7-бекат (Қўйлиқ) 10 ноябрь куни соат 21:00 дан бошлаб йўловчиларга вақтинча хизмат кўрсатмайди. Ушбу йўналишда поездлар ҳаракати «Дўстлик-2» бекатидан 6-бекатгача ташкил этилади.
“11 ноябрь кунидан “Ер усти ҳалқа йўли” йўналишида поездлар ҳаракати доимий жадвал асосида амалга оширилади”, – дейилади хабарда.
