Андижондаги ошхоналарнинг бирига ўт кетди
Олтинкўл туманидаги умумий овқатланиш шохобчасида ёнғин содир бўлди.
Олтинкўл туманидаги умумий овқатланиш шохобчасида ёнғин содир бўлди. Бу ҳақда Фавқулодда вазиятлар вазирлиги хабар берди.
Маълум қилинишича, 14 ноябрь, душанба куни соат 13:52 да Андижон вилояти Олтинкўл тумани «Темирхўжа» МФЙ Темирхўжа кўчасида жойлашган умумий овқатланиш шохобчасида ёнғин содир бўлаётганлиги тўғрисида туман фавқулодда вазиятлар бўлимига хабар келиб тушган.
Шунга кўра 4 та ёнғин-қутқарув экипажи соат 14:01 да воқеа жойига етиб бориб, ёнғин соат 14:05 да қуршаб олинган ва соат 14:26 да ўчирилган.
Ёнғин оқибатида шохобчанинг тахминан 75 квадрат метр майдонида ички қисми ёниб зарарланган.
Ҳодиса оқибатида тан жароҳати олган ва ҳалок бўлганлар йўқ.
Шунингдек, ҳозирда ёнғиннинг келиб чиқиш сабаби ва моддий зарар миқдори аниқланмоқда.
