Тошкентда тунги кўча ёритгичларидан фойдаланиш чекланади
Бу ҳақда «Тошшаҳарнур» ДУК маълум қилди.
Тошкентда 16 ноябрдан бошлаб вақтинчалик кўча ёритиш тармоқларини тунги истеъмолини чеклаш тартибига ўтказилади. Бу ҳақда «Тошшаҳарнур» ДУК хабар берди.
Хабарда айтилишича, «Тошшаҳарнур» давлат унитар корхонаси умумий вазифаларни бажариб, 16 ноябрдан бошлаб вақтинчалик кўча ёритиш тармоқларини тунги истеъмолини чеклаш тартибига ўтказади.
«Тошкент шаҳри аҳолиси ва меҳмонлари кечки ва тунги вақтда юзага келадиган вақтинчалик ноқулайликларни тушунади, шунингдек, кундалик ҳаётда электр энергиясидан оқилона ва тежамкор фойдаланишнинг умумий вазифаларини ҳал қилишда фаол иштирок этадилар, деб умид қиламиз», — дейилади хабарда.
Кеча Энергетика вазири ўринбосари Шерзод Хўжаев бошчилигида ўтказилган матбуот анжуманида Ўзбекистон шаҳарларидаги ёритиш чироқлари ва электрон реклама эълонларини ўчириб қўйиш режалаштирилаётганини маълум қилди.
