Тошкент вилояти ва шаҳарни боғловчи янги автобус йўналиши йўлга қўйилди
Бу ҳақда Тошкент шаҳар транспорт бош бошқармаси хабар берди.
Бугундан Е-1-сонли "ТТЗ АШБ-Машинасозлар метроси АШБ" янги экспресс автобус йўналиши ташкил этилди. Бу ҳақда Тошкент шаҳар транспорт бош бошқармаси хабар берди.
Автобус йўналиши "ТТЗ АШБ" дан Юзработ, Гулсанам, Буюк Ипак Йўли, Мирзо Улуғбек, Тараққиёт 2-тор кўчалари орқали "Машинасозлар метроси АШБ"га қадар ҳаракатланади.
Автобуснинг тўхташ бекатлари:
ТТЗ бозори;
Буюк Ипак Йўли метроси:
Шифокорлар малакасини ошириш институти:
Ашхобод боғи.
Мазкур йўналиш Тошкент шаҳар Мирзо Улуғбек тумани Улуғбек қўрғонидан ҳамда Тошкент вилояти Қибрай тумани, Чирчиқ шаҳри, Бўстонлиқ туманидан шаҳарга кириб келаётган йўловчиларни метрополитен йўналишлари ва шаҳар маркази билан тезкор боғлаш мақсадида ташкил этилди.
