0
Президент мактаби ўқувчиси халқаро танловда ғолиб бўлди
Робототехника йўналишида ўтказилган танловда Ўзбекистондан 3 та Президент мактаби ҳамда 2 та ихтисослаштирилган мактабдан ўқувчилар иштирок этган.
Президент мактаби ўқувчиси Қозоғистонда ўтказилган робототехника йўналишидаги халқаро танлов ғолиби бўлди. Бу ҳақида Президент таълим муассасалари агентлиги маълум қилди.
Остона шаҳрида 4-25 ноябрь кунлари "СТEМ Олимпиадаси – таълимда инновациялар” халқаро олимпиадаси бўлиб ўтди.
Унда жами 250 та гуруҳ қатнашди. Улар орасида Тошкент Президент мактаби ўқувчиси 1-ўринни эгаллади.
Андижон ва Фарғона президент мактаблари иштирокчилари учирган самолётлар рекорд натижа кўрсатди.
Ўзбекистондан иштирок этган мактаблар:
- Тошкент шаҳридаги Президент мактаби;
- Андижон шаҳридаги Президент мактаби;
- Фарғона шаҳридаги Президент мактаби;
- Муҳаммад ал-Хоразмий номидаги ихтисослаштирилган мактаби;
- Мирзо Улуғбек номидаги ихтисослаштирилган мактаби.
