Германия ва Норвегия НАТО муҳим таклиф билан чиқди
Алянс бош котиби бу ташаббусни қўллаб-қувватлаган.
Германия канслери Олаф Шольц ва Норвегия бош вазири Йонас Гар Стере “Шимолий оқим” воқеалари муносабати билан НАТОдан Европанинг сувости инфратузилмасини ҳимоя қилишни мувофиқлаштиришни сўради.
“Биз муҳим инфратузилмамиз ҳимоясига жуда жиддий ёндашамиз ва ҳеч ким ҳужумлар оқибациз қолади деб ўйламаслиги керак. Қувурлар, телефон кабеллари, интернет алоқалари давлатларимиз учун ҳаётий аҳамиятга эга, улар ҳимоя қилиниши керак”, — деб таъкидлади Шольц.
Германия канслери Россия углеводородлари рад этилганидан кейин Норвегия Европанинг энергия хавфсизлигини таъминлашда муҳим рол ўйнашини, шунинг учун сувости қувурлари хавфсизлигини таъминлаш муҳим аҳамиятга эга эканлигини эслатди.
НАТО Бош котиби Йенс Столтенберг Берлин ва Ослонинг таклифини олқишлади.
“Биз яқинда “Шимолий оқим” қувурларига қилинган саботаждан кейин саъй-ҳаракатларимизни кучайтирдик. Денгиз хавфсиз бўлишини таъминлаш учун кўпроқ ҳаракат қилиш муҳим", — деди у.
