Қашқадарёда "пешеход"дан ўтаётган 9 ёшли қиз машина уриб юборди
Қиз машина зарбасидан 10 метр нарига учиб тушган. Ҳайдовчи бу ҳолатда пиёдалар ўтиш йўлагини айбламоқда
Қашқадарё вилоятида "Damas" тезлик келиб, пиёдалар ўтиш жойидан йўлни кесиб ўтаётган 9 ёшли қизни уриб юборди. Ҳодиса айбдори пиёдалар ўтиш жойидаги белгилар кўринмаётганини айтиб, болани даволашда ҳеч қандай ёрдам кўрсатмади.
Ижтимоий тармоқларда тарқалган видеода қизнинг пиёдалар ўтиш жойидан қандай қилиб йўлни кесиб ўтаётгани, бир машина унга йўл бериб қўйгани, "Damas" эса тезлик билан уни уриб кетгани аниқ кўрсатилган. Қиз машина зарбасидан 10 метр нарига учиб тушган.
Бахтсиз ҳодиса 25 январь куни содир бўлган. Жабрланувчи дарҳол касалхонага ётқизилган. Қизчага кўплаб синишлар ва мия чайқалиши ташхиси қўйилган. У бир кун давомида реанимацияда эди, кейин жабрланувчи травматологияга ўтказилди.
Қизнинг отасининг сўзларига кўра, "Damas" ҳайдовчиси боланинг даволаниши ва тикланишига ҳеч қандай ёрдам кўрсатмаган. Ҳодиса айбдорининг таъкидлашича, пиёдалар ўтиш жойи чиpиқлари ўчиб кетган ва узоқ вақт давомида янгиланмаган.
Мазкур ҳолат юзасидан терговга қадар тергов ҳаракатлари олиб борилмоқда.
