Одамларни "дача" бериш орқали чув туширган фирибгарлар қўлга олинди

 

Тошкент шаҳри Юнусобод туманида яшовчи Р.А. ариза билан мурожаат қилиб, "OLX" платформасида "Дача Чимган" эълонини жойлаган номаълум шахс билан телеграм мессенжерида дала ҳовли ижараси юзасидан келишув амалга ошириб унинг банк картасига 700.000 сўм миқдоридаги пулларини ўтказиб берганлигини аммо кўрсатилган манзилга етиб келганида номаълум шахс билан боғланиб бўлмаганидан кейин фирибгарлик қурбони бўлганлигини тушуниб етганлигини маълум қилиб, фирибгарларга нисбатан қонуний чора кўришликни сўраган.

 

Олиб борилган тезкор-қидирув тадбирлар давомида, фирибгарлик йўли билан пулларни ўзлаштирган шахслар Тошкент шаҳри Юнусобод туманида яшовчи 1999 й.т. Ф.Д. томонидан содир этилганлиги аниқланди.

 

Ф.Д. интернет тармоғидаги турли эълон платформаларида "Дача Чимган" деб номланувчи эълонлар жойлаштириб турли баҳоналар орқали яна бир нечта фуқаролар пулларини фирибгарлик йўли билан ўзлаштириб ўз шахсий эҳтиёжи учун ишлатиб юборишганлиги маълум бўлди.

 

Шунингдек, шу турдаги жиноятларни амалга оширган 2001 й.т. С.С. ва 1998 й.т. Э.Х.лар ҳам қўлга олиниб уларга нисбатан Ўзбекистон Республикаси Жиноят Кодексининг 168-моддаси 3-қисми билан жиноят иши қўзғатилиб, дастлабки тергов ҳаракатлари олиб борилмоқда.