Зеленскийнинг тинчлик формуласини 46 давлат қўллаб-қувватлади
Исландияда бўлиб ўтган Европа кенгаши саммитида давлат ва ҳукумат раҳбарлари учрашув ўтказди.
Исландияда бўлиб ўтган Европа кенгаши саммитида давлат ва ҳукумат раҳбарлари Украина Президенти Владимир Зеленскийнинг “тинчлик формуласи” тамойилларини қўллаб-қувватладилар. Бу ҳақда саммит декларациясида айтилади. Ҳужжатни 46 давлат раҳбарлари имзолади.
“Масъулиятни бўйнимизга олмай туриб, тинчликка эришолмаймиз. Биз президент Зеленский томонидан Тинчлик формуласида белгилаб берилган адолатли ва мустаҳкам тинчлик тамойилларини қўллаб-қувватлаймиз”, — дейилади ҳужжатда.
Зеленский Европа Кенгаши давлатларининг қарорини олқишлади.
"Ҳалол тинчлик режаси учун Европанинг шундай бирлашгани жуда муҳим. Бунинг учун Европамизнинг барча раҳбарларига ва Европа Кенгашига аъзо ҳар бир давлатга миннатдорчилик билдираман", — деди у кечки нутқида.
