Ўзбекистонда 360°да қоидабузарликларни аниқлаш бошланди

 

Бугундан бошлаб Тошкент вилоятида 360°да қоидабузарликларни аниқловчи қурилма ишга туширилди. Бу ҳақда Йўл ҳаракати ҳавсизлиги хизмати хабар берди.

 

Қайд этилишича, вилоятдаги автомобил йўлларида ЙПХ ходимларига бириктирилган хизмат автомобилларига ўрнатилган 360°да қоидабузарликларни аниқловчи махсус қурилма ишга туширилди.

 

Бундан мақсад - республика ҳудудида ЙТҲларни олдини олиш, қоидабузарликларга чек қўйиш ва ҳаракатланиш хавфсизлигини таъминлаш.

 

Янги қурилма йўлларда автомобилларнинг 7 та қоидабузарлик ҳаракатини аниқлайди.

 

Қурилма тўхтаб турганда ва ҳаракат давомида ҳам қуйидаги қоидабузарликларни аниқлайди:

 

• ўзи билан бир йўналишда ва қарама-қарши йўналишдаги транспорт воситалари ҳайдовчилари томонидан тўхташ ва тўхтаб туриш;
   
• ҳаракатланиш тезлигини меъёридан ошириш;
   
• светофорнинг тақиқловчи чироғига амал қилмаслик (тўхташ чизиғини босиш);
   
• йўлнинг қарама-қарши ҳаракатланиш учун мўлжалланган томонига ёки бўлагига чиқиши;
   
• йўлнинг қатнов қисмидаги чизиқлар билан белгилаб қўйилган талабларга риоя этмаслик;
   
• йўналишли транспортлар ҳаракати учун мўлжалланган тасмаларга ўтиб ҳаракатланиш ёки тўхташ тартиби ва ушбу тасмада белгиланган талабларни бузиш;
   
• давлат рақам белгиси орқали автомобиль қидирувда ёки йўқлигини аниқлайди.

 

Хабарда барча ҳайдовчилардан қоидаларга риоя қилишлари сўралган.