«Ухламасанг, кўзларингни ўйиб, ўлдираман» — Бухорода тарбиячилар болаларга қўпол муносабатда бўлди
Таълим ташкилотининг собиқ дирекори мазкур ҳолатга кўз юмгани аниқланди.
Ижтимоий тармоқларда Бухоро вилояти Ғиждувон туманидаги мактабгача таълим ташкилоти тарбиячилари томонидан тарбияланувчиларга нисбатан қўпол муносабатда бўлингани акс этган видеолар тарқалди. Ҳолат юзасидан Бухоро вилояти мактабгача ва мактаб таълими бошқармаси муносабат билдирди.
Аниқланишича, мазкур ҳолат жорий йилнинг февраль ойида содир этилганлиги, таълим ташкилотининг собиқ директори эса кузатув камералари орқали бу ҳолатни аниқлаган бўлса-да, тарбиячиларга нисбатан жазо чораларини кўрмаганлиги маълум бўлди.
Ўрганишлар хулосасига кўра, қўполликка йўл қўйган 2 нафар тарбиячига нисбатан белгиланган тартибда «Ҳайфсан» интизомий жазо чораси белгиланди.
