Зеленскийни ҳам Саакашвилининг тақдири кутмоқда — Володин
Ғарб аллақачон Зеленскийнинг ношукрлигидан чарчаган.
Россия Давлат думаси спикери Вячеслав Володин ўзининг Телеграм каналида Украина Президенти Владимир Зеленский Грузиянинг собиқ раҳбари Михаил Саакашвилининг тақдирини такрорлашини айтди.
"Вашингтон ва Брюссел қўғирчоқларининг тақдири доим бир хил тугайди. Кейинги ўринда Зеленский турибди", — деб ёзади сиёсатчи.
Володиннинг эслашича, Грузиянинг собиқ президенти ЕИ ва НАТО томонидан қўллаб-қувватланган, молиялаштирилган, қурол-яроғ билан таъминланган. Кейинчалик Ғарбга Саакашвили керак бўлмади, у ўз Ватанида судланди, Украина фуқаролигини йўқотди ва ҳозир президентлик даврида содир этган жиноятлари учун жазони ўтамоқда.
Унинг фикрича, бугун Грузиянинг собиқ президенти четланган одамга айланди, Зеленскийни ҳам худди шундай қисмат кутмоқда, чунки Ғарбда ҳамма унинг ношукрлигидан аллақачон чарчаган, бу Британия ва Полшада расман эълон қилинган.
