Қашқадарёда Амир Темур даврига оид қишлоқ харобалари топилди
Қишлоқнинг бугунги кунда сақланиб қолган қолдиқларининг майдони 30 гектарни ташкил этади.
Самарқанд археология институти ходимлари томонидан Қашқадарё вилояти Муборак туманида жойлашган Хўжа Рушноий обидаси ҳудудидаги дала тадқиқотлари чоғида қатор археологик топилма ва тупроқ қатламлари аниқланди. Бу ҳақда Маданий мерос агентлиги хабар берди.
Маълум қилинишича, қазишмалар давомида қишлоқ харобалари орасидан Амир Темур даврига мансуб 4 та хона кашф қилинди. Ушбу ёдгорлик ўрнида ХИИИ-ХИВ асрларда Қаршидан Бухорога олиб борувчи гавжум аҳолига тўла карвон йўли жойлашган бўлган.
Қишлоқнинг бугунги кунда сақланиб қолган қолдиқларининг майдони 30 гектарни ташкил этади.
Мутахассисларнинг тахминларига кўра, ўша кезлари истиқомат қилган овул аҳолиси чиғатой даврининг сўнгги ва Амир Темур замонида маданий жиҳатдан анча тараққий этган бўлган. Топилмалар орасида кошин, сирланган сопол, металлдан ясалган хўжалик жиҳозлари ва бошқа ноёб буюмлар бор.
Тадқиқотчилар Амир Темур замонида нафақат шаҳарлар, балки қишлоқларда ҳам ривожланиш даражаси юқори бўлгани ҳақида дастлабки хулосаларга келдилар.
