Муҳандислик йўналишлари бўйича республика танлови ўтказилади
Биринчи ўрин соҳибига электромобил берилади.
Президент раислигида бўлиб ўтаётган муҳандислик кадрларини тайёрлаш тизимидаги устувор вазифалар юзасидан видеоселектор йиғилишида муҳандислик йўналишлари бўйича “Энг яхши ғоя”, “Энг яхши лойиҳа” ва “Энг яхши ихтиро” республика танлови ўтказилиши маълум қилинди.
Танловда ўқитувчилар, талабалар ва амалиётчи муҳандислар иштирок этиши мумкин бўлади. Биринчи ўринга электромобил берилади.
Шунингдек, ғоя, лойиҳа ва ихтиро муаллифи бўлган энг зўр 10 нафар иштирокчи Германия, Япония, Хитой, Россия, Италия, Туркия, Жанубий Корея, Цингапур каби давлатларга стажировкага юборилади. Бу мақсадлар учун ҳар йили 15 миллиард сўм ажратилади.
