2024 йилда қанча хонадон қурилиб, фойдаланишга топширилгани маълум қилинди
Айни вақтда Президент Шавкат Мирзиёев раислигида видеоселектор йиғилиши бўлиб ўтмоқда
Президент Шавкат Мирзиёев раислигида ҳудудлар ва тармоқларда иқтисодий ўсиш суръатларини таъминлаш бўйича биринчи ярим йиллик таҳлили ва йил якунига қадар устувор вазифалар юзасидан видеоселектор йиғилиши бўлиб ўтмоқда.
Йиғилишда "Яшил” энергетикадаги ислоҳотлар натижасида ҳозиргача ишга тушган 2,4 гигаваттли 10 та қуёш ва шамол электр станциялари ҳисобига биринчи ярим йилликда 1,6 миллиард киловатт “яшил" энергия олингани қайд этилди. Бу ярим миллиард куб метр газни тежаш имконини берди.
Шунингдек, шу йилнинг ўзида маҳаллаларни обод қилиш, боғча, мактаб, тиббиёт, йўл, сув, электр каби инфратузилмани яхшилаш учун бюджетдан 31,5 триллион сўм ажратилган. Бунга яна 1,5 триллион сўм ажратилиши белгиланди. Йил бошидан 18 минг 600 та янги хонадон қурилиб, фойдаланишга топширилгани маълум қилинди.
Ўтган олти ойда 26 мингта оилага 7 триллион сўмга яқин ипотека кредити ажратилган. Улар бўйича бошланғич тўлов ва фоизни қоплаш учун 545 миллиард сўм субсидия берилган.
