"Ўзбекистонимизга муносиб ғалабалар, камарлар билан қайтиш насиб қилсин"
Супер ярим ўрта вазн тоифасида WBА камари соҳиби Исроил Мадримов 3 август куни Теренс Кроуфордга қарши жанг қилади.
Мазкур жанг олдидан Мадримов ўзбекистонлик мухлисларга мурожаат йўллади.
“Ассалому алайкум, ватандошлар. Мана ҳозир жанг бўладиган аренада турибмиз. 3 августда шу ердан ғалаба билан қайтишга ҳаракат қиламиз. Бунинг учун сизларнинг қўллаб-қувватлашингиз ва дуо қилишингизни сўраб қоламан. Ўзбекистонимизга муносиб ғалабалар, камарлар билан қайтиш насиб қилсин. Олға, Ўзбекистон!”, — деди Мадримов.
Мадримов ва Теренс ўртасидаги жанг Америка Қўшма Штатларининг Лос-Анжелес шаҳрида 3 август куни бўлиб ўтади. Ушбу қарама-қаршилик биринчи ўрта вазн тоифасидаги WBА камари учун кечади.
