Ўтган мавсумда қайси жамоалар энг кўп пул топди?
Рўйхатга бешта клуб киритилган.
Делоитте аудиторлик компанияси 2023-2024 йилги мавсумда энг кўп даромад қилган жамоалар рўйхатини тузиб чиқди. Мазкур рўйхатга айни вақтда кўплаб ютуқларни қўлга киритаётган дунёнинг бешта клуби жой олди.
5 - ўрин
Мюнхеннинг "Бавария" клуби ўтган мавсумда 765,4 миллион евро даромад қилди. Бу жамоанинг ўзига хос рекорди ҳисобланади.
4 - ўрин
Кетма-кет омадсиз мавсумлар ва мағлубиятларга қарамай "Манчестер Юнайтед" ҳам энг кўп пул топган жамоалар қаторидан жой олди. Клуб ўтган мавсум 770,6 миллион евро даромад қилган.
3 - ўрин
Париж шаҳрининг "ПСЖ" клуби 2023-2024 йилги мавсумда 805,9 миллион евро пул ишлаб топган.
2 - ўрин
Ўзбекистонлик Абдуқодир Ҳусанов тўп сураётган "Манчестер Сити" жамоасининг ўтган йилги даромади 837,8 миллион еврони ташкил қилган.
1 - ўрин
Мадриднинг "Реал" клуби рўйхатда яққол етакчиликни қўлга олган. Жамоанинг бир йиллик даромади 1,045 миллиард экани қайд этилган.
