Халқаро қидирувда бўлган фирибгар Хорватиядан Ўзбекистонга экстрадиция қилинди
Экстрадиция Ўзбекистон ва Хорватия Миллий Интерпол бюролари ҳамкорлигида амалга оширилди.
Ўзбекистон ва Хорватия Интерпол Миллий марказий бюроларининг мувофиқлаштирилган ҳаракатлари натижасида, фирибгарлик жинояти бўйича халқаро қидирувда бўлган Ўзбекистон Республикаси фуқароси Загребдан Ўзбекистонга экстрадиция қилинди. Бу ҳақда Ички ишлар вазирлиги матбуот хизмати хабар берди.
Экстрадиция жараёни Загребдаги Миллий марказий бюро билан яқиндан ҳамкорлик ва фаол мулоқот ҳамда Ўзбекистон Республикасининг Венгриядаги консуллигининг ҳар томонлама кўмаги ҳисобига муваффақиятли амалга оширилди.
Ўтказилган тадбирлар халқаро полиция ҳамкорлигининг самарадорлигини, шунингдек, содир этилган жиноятлар учун жавобгарликнинг муқаррарлиги тамойилига содиқликни тасдиқлайди.
Маълум қилинишича, экстрадиция жараёни тарафларнинг юқори даражадаги ҳамкорлиги орқали амалга оширилган.
Аввалроқ, фирибгарлик жинояти бўйича халқаро қидирувда бўлган Ўзбекистон Республикаси фуқароси Загребдан Ўзбекистонга экстрадиция қилингани хабар қилинган эди.
