Фарғонадаги боғчада ток урган 6 ёшли бола иши бўйича суд-тиббий экспертиза тайинланди
Ҳолат Болалар омбудсмани томонидан назоратга олинди.
Аввал хабар қилинганидек, жорий йилнинг 18 февраль куни Фарғона шаҳрида жойлашган мактабгача таълим муассасасида тарбияланувчи, 2020 йилда туғилган P.A, муассаса ҳудудидаги трансфарматорлар ўрнатилган махсус ертўлага йиқилиб тушган. Ҳодиса натижасида бола ток уриши оқибатида тан жароҳати олди ва шифохонага етказилган.
Мазкур ҳолат Болалар омбудсмани томонидан доимий назоратга олинган. Ҳозирда боланинг олган тан жароҳатлари бўйича суд-тиббий экспертизаси тайинланган.
Фарғона шаҳар ИИБ ҳузуридаги тергов бўлими ҳодиса юзасидан терговга қадар текширув ишларини олиб бормоқда.
Болалар омбудсмани бола манфаатларини таъминлаш нуқтаи назаридан ҳодиса устидан кузатувини давом эттиради ва барча зарур чоралар кўрилишини таъминлайди.
