Ўзбекистон

Тошкентда ЙПХ ходимини уриб юборган BMW “права”си йўқларга 18 маротаба берилган

Ушбу транспорт воситаси 2002 йилда туғилган қизга тегишли бўлиб, автомобиль 2024 йилдан шу кунга қадар 18 маротаба транспорт воситасини бошқариш ҳуқуқи бўлмаган шахсга ҳайдаш учун берилган.

Тошкентда ЙПХ ходимини уриб юборган BMW “права”си йўқларга 18 маротаба берилган

 

Тошкент шаҳрида ЙПХ ходимини автомобиль билан уриб юборган 10-синф ўқувчиси аввал ҳам ўзбошимчалик билан транспорт воситасини бошқариб, йўл ҳаракати қоидаларини қўпол равишда бузгани аниқланган. Бу ҳақда Тошкент шаҳар Ички ишлар бош бошқармаси матбуот хизмати маълум қилди.

 

Билдирилишича, вояга етмаган шахснинг мактабда дарс қолдиргани сабабли унинг ота-онаси 2025 йил 12 сентябрь куни, шунингдек, ўзбошимчалик билан автомобиль бошқариб, йўл ҳаракати қоидаларини бузганлиги учун 2026 йил 8 январь куни Маъмурий жавобгарлик тўғрисидаги кодекснинг 47-моддаси (болаларни тарбиялаш ва уларга таълим бериш борасидаги мажбуриятларни бажармаслик) асосида маъмурий жавобгарликка тортилган ҳамда улар билан профилактик суҳбат ўтказилган.

 

Шунга қарамай, ота-оналарнинг лоқайдлиги ва етарли назоратнинг йўқлиги оқибатида вояга етмаган шахс томонидан навбатдаги қоидабузарлик содир этилган.

 

Аниқланишича, ЙПХ ходимини уриб юборишда иштирок этган BMW русумли автомобиль 2002 йилда туғилган Лейла Атадияновага тегишли бўлиб, мазкур шахс 2024 йилдан ҳозирги кунга қадар 18 маротаба транспорт воситасини бошқариш ҳуқуқига эга бўлмаган шахсларга ҳайдаш учун берган. Бундан ташқари, у томонидан яна 37 маротаба бошқа турдаги йўл ҳаракати қоидалари қўпол равишда бузилгани қайд этилган.

 

Ҳодиса ортидан вояга етмаган шахс ўз қилмишидан пушаймон эканини билдириб, ЙПХ ходими ҳамда унинг яқинларидан узр сўраган. У илгари огоҳлантирилганига қарамай, яна автомобилни ўзбошимчалик билан олиб чиққанини тан олган.

 

Боланинг отаси ҳам жамоатчиликдан узр сўраб, ўз лоқайдлиги оқибатида оғир оқибатлар юз бериши мумкин бўлганини таъкидлаган.

 

Мазкур ҳолат юзасидан Ўзбекистон Республикаси Жиноят кодексининг 266-моддаси (транспорт воситалари ҳаракати ёки улардан фойдаланиш хавфсизлиги қоидаларини бузиш) билан жиноят иши қўзғатилган. Ҳозирда дастлабки тергов ҳаракатлари олиб борилмоқда.

Хорижий корхоналар: Тошкент шаҳри ва вилояти етакчилик қилмоқда

Хорижий корхоналар: Тошкент шаҳри ва вилояти етакчилик қилмоқда

2026 йил 1 октябрь ҳолатига кўра, Ўзбекистонда хорижий инвестициялар иштирокидаги 22 мингдан ортиқ корхона фаолият юритмоқда.

Ўзбекистон Президенти давлат ташрифи билан Ўмонда бўлади

Ўзбекистон Президенти давлат ташрифи билан Ўмонда бўлади

Масқат шаҳрида олий даражадаги икки томонлама музокаралар ва бошқа тадбирлар бўлиб ўтади.

Фарғонада автомобиль велосипедчини уриб юборди: жабрланувчи шифохонада вафот этди

Фарғонада автомобиль велосипедчини уриб юборди: жабрланувчи шифохонада вафот этди

Ҳозирда ҳолат юзасидан терговга қадар текширув ҳаракатлари олиб борилмоқда.

Ўзбекистонда ичимликлар ишлаб чиқариш 11 фоизга ўсди: энг юқори кўрсаткич Тошкентда қайд этилди

Ўзбекистонда ичимликлар ишлаб чиқариш 11 фоизга ўсди: энг юқори кўрсаткич Тошкентда қайд этилди

Жорий йилнинг дастлабки тўққиз ойида йирик корхоналар томонидан ишлаб чиқарилган ичимликлар қиймати 25,5 трлн сўмни ташкил этди.

Тошкентда кибержиноятларда гумонланган икки гуруҳ фош этилди: 72 киши ушланди

Тошкентда кибержиноятларда гумонланган икки гуруҳ фош этилди: 72 киши ушланди

Ҳолатлар юзасидан жиноят иши қўзғатилди.

Тошкентда ҳаво сифати: 15 ноябрь тонгида яхшиланиши мумкин

Тошкентда ҳаво сифати: 15 ноябрь тонгида яхшиланиши мумкин

Ҳозирда атмосфера ҳавоси сифати Махсус комиссия томонидан доимий мониторинг қилинмоқда.

Пахта хирмони 5 млн тоннадан ошди, аммо терим давом этмоқда — вазирлик

Пахта хирмони 5 млн тоннадан ошди, аммо терим давом этмоқда — вазирлик

Қишлоқ хўжалиги вазирлиги далаларда ҳали пахта борлиги ушбу натижани шубҳа остига қўймаслигини таъкидлади.

Бир ўриндиқ сабабли можаро: Тошкентда икки эркак 3 суткага қамалди

Бир ўриндиқ сабабли можаро: Тошкентда икки эркак 3 суткага қамалди

Метрода жой бермагани учун йўловчини ҳақорат қилган ва кейинчалик унинг ортидан борган эркакларга жазо тайинланди.