Эрон вайронагарчиликларга қарамай урушда ғалаба қозонди — Хоманаий
Эрон олий раҳбари Ҳормуз бўғози назорати янги босқичга кўтарилиши таъкидлади.
Можтабо Хоманаий Эрон ҳарбий можаролар фонида мамлакат вайронагарчиликларга қарамай ғалабага эришганини маълум қилди. Бу ҳақда баёнот Эрон давлат телевидениеси орқали эълон қилинди дейди ТАСС.
Расмий баёнотда таъкидланишича, “душман ҳужумлари ва бомбардимонлари” оқибатида етказилган зарарларга қарамай, мамлакат қуролли кучлари урушни “буюк ғалаба” билан якунлаган.
Шунингдек, баёнотда Ҳормуз бўғози устидан назоратни кучайтириш масаласига алоҳида урғу берилиб, Эрон ушбу стратегик ҳудудни бошқаришни “янги босқичга” олиб чиқиши қайд этилган.
Мурожаатда аҳоли сўнгги ҳафталардаги каби оммавий юришлар ва намойишларда фаол иштирок этишга чақирилган. Баёнот марҳум Али Хоманаий вафотининг 40 кунлиги муносабати билан эълон қилингани ҳам таъкидланган.
Аввалроқ айрим хорижий ОАВларда Можтабо Хоманаийнинг соғлиги билан боғлиқ турли тахминлар билдирилган эди. Бироқ расмий Теҳрон вакиллари бу хабарларни рад этиб, унинг давлат бошқарувида фаол эканини маълум қилган.
