Сирдарёда боғча мудираси пора билан ушланди
У фуқарони ишга жойлаштириш учун пул талаб қилган.
Сирдарё вилоятида давлат мактабгача таълим ташкилоти мудираси пора билан қўлга олинди. Бу ҳақда вилоят ИИБ хабар берди.
Маълум қилинишича, мудира ишга жойлаштиришни ваъда қилиб, фуқародан 2,5 миллион сўм талаб қилган.
У аввал 200 минг сўмни пластик карта орқали олган. Кейин эса қолган 2 млн 300 минг сўмни олаётган вақтида тезкор тадбир давомида қўлга олинган.
Ҳозирда ҳолат юзасидан ҳужжатлар расмийлаштирилиб, тергов ишлари олиб борилмоқда.
Аввалроқ Сурхондарёда мактаб директори 2 миллион сўм пора олиб, 4 йилга қамалгани ҳақида хабар берилганди.
