Ўзбекистон

Термиз давлат университетининг жисмоний тарбия ва спорт соҳасидаги тажрибаси ўрганилмоқда

Термиз давлат университетида олий таълим ташкилотлари раҳбарлари учун ўқув-амалий семинар бўлиб ўтди.

Термиз давлат университетининг жисмоний тарбия ва спорт соҳасидаги тажрибаси ўрганилмоқда

22 апрель куни Термиз давлат университетида Ўзбекистон Республикаси Олий таълим, фан ва инновациялар вазирлиги ҳамда Спорт вазирлиги ҳамкорлигида ташкил этилган ўқув-амалий семинар ва спорт ҳафталигига старт берилди. Мазкур тадбир олий таълим ташкилотлари раҳбарлари учун амалий тажриба алмашиш, спорт соҳасидаги ислоҳотларни янада чуқурлаштириш ҳамда илғор моделларни оммалаштиришга қаратилган.

 

 

Маълум қилинишича, тадбирда Олий таълим, фан ва инновациялар вазири Қўнғротбой Шарипов,  Спорт вазири Адҳам Икрамов ҳамда Сурхондарё вилояти ҳокими Улуғбек Қосимов, иштирок этиб, жисмоний тарбия ва спортни олий таълим тизими билан уйғунлаштириш, талабалар ўртасида соғлом турмуш тарзини қарор топтириш бугунги куннинг устувор вазифаларидан бири эканини алоҳида таъкидладилар. 

 

 

Мазкур семинар 2026 йил 7 апрель куни Президент раислигида ўтказилган видеоселектор йиғилишида белгиланган вазифалар ижросини таъминлаш мақсадида ташкил этилгани билан аҳамиятлидир. 

 

Тадбир доирасида олий таълим муассасалари раҳбарлари иштирокида “Соғлом ҳаёт учун ўн минг қадам” шиори остида оммавий юриш марафони ташкил этилди. Бу ташаббус раҳбарларнинг шахсий намунаси орқали ёшлар ўртасида соғлом турмуш тарзини тарғиб қилишга хизмат қилади. 

 

 

Семинарнинг асосий қисми Термиз давлат университетининг жисмоний тарбия ва спорт соҳасидаги илғор тажрибасини ўрганишга бағишланди. Университет ҳудудида бугунги кунда 18 та спорт иншооти фаолият юритмоқда. Жумладан, 6 та ёпиқ ва 12 та очиқ спорт майдонлари орқали талабалар учун кенг имкониятлар яратилган. 

 

Сўнгги йилларда мазкур соҳани ривожлантиришга катта эътибор қаратилмоқда. Хусусан, 2025 йилда спорт инфратузилмасини янгилаш ва модернизация қилиш ишларига 4,7 миллиард сўм маблағ йўналтирилди. Шу билан бирга, спорт клублари фаолиятини қўллаб-қувватлаш учун 3,2 миллиард сўм ажратилди. 

 

 

Натижада университетда профессионал футбол, футзал, гандбол ва волейбол жамоалари шакллантирилиб, миллий ва халқаро мусобақаларда муваффақиятли иштирок этмоқда. Талабалар 2025 йил давомида жами 309 та медални қўлга киритиб, университетнинг республика миқёсидаги нуфузини янада оширишга ҳисса қўшди. 

 

Тадбир доирасида талаба-қизлар ўртасида футбол бўйича “Вазир кубоги” мусобақасига ҳам старт берилди. Унда мамлакатимизнинг турли ҳудудларидан келган 14 та жамоа иштирок этмоқда. Мазкур мусобақа хотин-қизларни спортга кенг жалб этиш, уларнинг жисмоний фаоллигини ошириш ва ёшлар ўртасида соғлом рақобат муҳитини шакллантиришга хизмат қилади. 

 

Семинар иштирокчилари университетда ташкил этилган спорт клублари, замонавий инфратузилма, шунингдек, спорт тиббиёти ва машғулот жараёнлари билан бевосита танишмоқда. Бу эса олий таълим тизимида спортни ривожлантириш бўйича амалий ва самарали механизмларни шакллантиришга замин яратади. 

 

 

Шу билан бирга, университетда хорижий мутахассислар иштирокида машғулотлар йўлга қўйилган бўлиб, бу таълим ва спорт сифатини халқаро стандартлар асосида оширишга хизмат қилмоқда. 

 

Мазкур тадбирлардан кўзланган асосий мақсад — олий таълим муассасаларида спорт инфратузилмасидан самарали фойдаланиш, талабаларни соғлом турмуш тарзига жалб қилиш ҳамда “Термиз тажрибаси”ни республика миқёсида кенг жорий этишдан иборат. 

 

Семинар ва спорт ҳафталиги доирасидаги тадбирлар 24 апрелга қадар давом этади.

Хорижий корхоналар: Тошкент шаҳри ва вилояти етакчилик қилмоқда

Хорижий корхоналар: Тошкент шаҳри ва вилояти етакчилик қилмоқда

2026 йил 1 октябрь ҳолатига кўра, Ўзбекистонда хорижий инвестициялар иштирокидаги 22 мингдан ортиқ корхона фаолият юритмоқда.

Ўзбекистон Президенти давлат ташрифи билан Ўмонда бўлади

Ўзбекистон Президенти давлат ташрифи билан Ўмонда бўлади

Масқат шаҳрида олий даражадаги икки томонлама музокаралар ва бошқа тадбирлар бўлиб ўтади.

Фарғонада автомобиль велосипедчини уриб юборди: жабрланувчи шифохонада вафот этди

Фарғонада автомобиль велосипедчини уриб юборди: жабрланувчи шифохонада вафот этди

Ҳозирда ҳолат юзасидан терговга қадар текширув ҳаракатлари олиб борилмоқда.

Ўзбекистонда ичимликлар ишлаб чиқариш 11 фоизга ўсди: энг юқори кўрсаткич Тошкентда қайд этилди

Ўзбекистонда ичимликлар ишлаб чиқариш 11 фоизга ўсди: энг юқори кўрсаткич Тошкентда қайд этилди

Жорий йилнинг дастлабки тўққиз ойида йирик корхоналар томонидан ишлаб чиқарилган ичимликлар қиймати 25,5 трлн сўмни ташкил этди.

Тошкентда кибержиноятларда гумонланган икки гуруҳ фош этилди: 72 киши ушланди

Тошкентда кибержиноятларда гумонланган икки гуруҳ фош этилди: 72 киши ушланди

Ҳолатлар юзасидан жиноят иши қўзғатилди.

Тошкентда ҳаво сифати: 15 ноябрь тонгида яхшиланиши мумкин

Тошкентда ҳаво сифати: 15 ноябрь тонгида яхшиланиши мумкин

Ҳозирда атмосфера ҳавоси сифати Махсус комиссия томонидан доимий мониторинг қилинмоқда.

Пахта хирмони 5 млн тоннадан ошди, аммо терим давом этмоқда — вазирлик

Пахта хирмони 5 млн тоннадан ошди, аммо терим давом этмоқда — вазирлик

Қишлоқ хўжалиги вазирлиги далаларда ҳали пахта борлиги ушбу натижани шубҳа остига қўймаслигини таъкидлади.

Бир ўриндиқ сабабли можаро: Тошкентда икки эркак 3 суткага қамалди

Бир ўриндиқ сабабли можаро: Тошкентда икки эркак 3 суткага қамалди

Метрода жой бермагани учун йўловчини ҳақорат қилган ва кейинчалик унинг ортидан борган эркакларга жазо тайинланди.