Андижонда Ҳажга юбориш учун 18 минг доллар сўраган сўраган шахс ушланди
У она-боланинг ишончига кириб, улардан алдов йўли билан пул олмоқчи бўлган.
Андижонда Ҳаж зиёратига юбориш билан боғлиқ ноқонуний ҳолат фош этилди. Бу ҳақда Zamon.uz'га ДХХ хабар берди.
Маълум қилинишича, Андижон вилояти Асака туманида яшовчи шахс алдов йўли билан бошқа фуқаронинг ишончига кириб, танишлари орқали уни ва онасини бу йилги “Ҳаж” мавсумида Саудия Арабистонига зиёратга юбориш эвазига ҳар бири учун 9 минг АҚШ долларидан, жами 18 минг доллар талаб қилган.
ДХХнинг Андижон вилояти бўйича бошқармаси ва ИЖҚК Департаменти ходимлари ҳамкорлигида ўтказилган тезкор тадбирда, у олдиндан 9 минг доллар олган вақтида ашёвий далиллар билан ушланди.
Ҳозирда унга нисбатан жиноят иши қўзғатилиб, тергов ҳаракатлари олиб борилмоқда.
